Shqipëria merr pjesë për herë të parë në kampionatin evropian “Francë 2016”, ndërkohë që interesi i shqiptarëve ka qenë i lartë për ta ndjekur Kombëtaren, e këtë e tregon edhe numri i lartë i biletave që ata kanë rezervuar.
Kështu, për dy ndeshjet me Francën dhe Zvicrën, biletat janë rezervuar të gjitha, ndërsa në ndeshjen me Rumaninë ka akoma bileta.
UEFA ka publikuar listën e ndeshjeve për të cilat ka akoma bileta në shitje, dhe për të tria sfidat e Rumanisë ka akoma bileta në dispozicion, ku përfshihet edhe ndeshja e 25 qershorit në Lion.
Sipas UEFA.com, për këtë ndeshje ka më së shumti bileta të pashitura, teksa janë më shumë se 2 mijë bileta që tifozët e të dyja ekipeve mund t’i rezervojnë, ku përfshihen katër kategori të ndryshme, prapa portave, lart ose poshtë, në tribunat në korne, dhe në ballore.
Komentet