Indiana Pacers dhe Miami Heat me fitoret e tyre ndaj Toronto Raptors dhe Charlotte Hornets kanë barazuar në 3-3 seritë e playoffit mes tyre, teksa me fitoren ndaj Los Angeles Clippers kualifikimin e siguroi Portland Trail Blazers, që takohet në rrethin tjetër me kampionët e Golden State Warriors.
Indiana ishte më e mirë në takimin ndaj Torontos, por vetëm në dy çerekët e fundit.
Toronto nisi më mirë dhe në fund të pjesës së parë kishte epërsinë, por dy fraksionet tjera me Paul George dhe të tjerë lojtarë në formë bënë që Indiana të fitojë me 101-83, një fitore solide kjo.
Paul George ka realizuar 21 pikë, kurse te Toronto shkëlqyen Cory Joseph dhe Carroll me nga 25 pikë.
Wade shkëlqeu në përballjen e Miamit me Charlotte Hornets, duke realizuar madje pikët vendimtare në fitoren 97-90.
Kemba Walker arriti 37 pikë, por kjo nuk i mjaftoi ekipit të tij, teksa shkëlqyen Wade me 23 pikë dhe Luol Deng me 21 pikë.
Punë aspak të lehtë pati Portlandi ndaj Clippers që vuajnë nga lëndimet e Paul dhe Griffin.
Më i miri megjithatë ishte Jamal Craëford, i shpallur si rezervisti më i mirë me 32 pikë në këtë ndeshje, por Lillard shtoi 28 pikë duke konfirmuar formën e lartë.
Miami-Charlotte dhe Toronto – Indiana do të luajnë nga një ndeshje të shtatë, teksa Portlandi do të takohet me Golden State Warriors në duelet e zjarrta pas vetëm pak ditësh.
Komentet